Gazetari shpërthen ndaj rritjes së çmimit të ujit: Këshilltarë kalamaj, LSI të mbajë qëndrim me ta

Erion Kristo ka reguar ndaj rritjes së çmimit të ujit të pijshëm, vendim ky që u miratua dje nga Këshilli Bashkiak. 

Sipas Kristos të gjitha vendimet e djeshme janë antiligjore. Ai shton më tej se është shkelur  ligji me të dyja këmbët dhe se beteja e radhes është përpara Prefekturës.   Kristo thekson më tej se LSI  duhet të mbajë qëndrim ndaj këshilltareve të vet kalamaj. 

“Te gjitha vendimet e Keshillit Bashkiak Tirane dje jane antiligjore. Eshte shkelur ligji me te dyja kembet. Keshilltaret e rinj kane votuar per veten. Nuk ka pasur kuorum. NUL.

Beteja e radhes eshte perpara Prefektures. Nese Prefekti legalizon vendimmarrjen antiligjore, bie totalisht ideja e zbatimit te ligjit ne Shqiperi. Ligji nuk mund te funksionoje vetem per ata qe shesin misra.
LSI ka premtuar te beje opozite te forte. Ajo duhet te mbaje qendrim ndaj keshilltareve te vet kalamaj. Se pastaj i bie qe po ben opozite me popullin.
Cmimi i ujit nuk do rritet!!!”, shkruan Erion Kristo.

Mbrëmjen e djeshme Këshilli Bashkiak miratoi rritjen e çmimit të ujit.  Leonard Olli bashkë me këshilltarët e tjerë të PD-së u largua nga salla ku po zhvillohej mbledhja dhe nuk votian.  Me largimin e tyre, si edhe të këshilltarëve të LSI-së nuk plotësohej kuorumi për t’u zhvilluar mbledhja.

Mirëpo ndërkohë që këta debatonin, në sallë u rikthyen Agim Kraja dhe Genta Mezini nga LSI-ja. Bashkë me këta, numri i anëtarëve të pranishëm në mbledhjen e  Këshillit shkonte në 31, duke plotësuar kështu kuorumin.

Për votimin  e Mezinit dhe Krajës ka reaguar edhe Luan Rama , i cili është shprehur  se ata që votuan nuk ishin këshilltarë të LSI-së.

Tju bëj të qartë përkundrejt spekulimeve politike, të parafolësit tim. Qëndrimi institucional i LSI-së, është ai që shprehu Eriona Bixha. Agim Kraja nuk përfaqëson LSI-në sepse ka qenë dikur me monarkinë, është çështje e tija. Ne zgjodhëm rrugën institucionale, dhe duke e ndihmuar edhe bashkinë e Tiranës përmes qytetarëve. Ka vetëm një konstante të pandryshueshme. LSI ofron vetëm bashkëpunim institucional.

Nuk e njoh fare kush është kjo. (për Genta Mezinin). Koordinatorja e këshilltsarëve të LSI-së e bëri të qartë përpara sesa të fillonte mbledhja qëndrimin e këshilltarëve të lSI-së, çdo lëvizje tjetër nuk ka të bëjë me qëndrimin e LSI-së.

Ata nuk janë këshilltarë të LSI-së dhe LSI ka mbajtur qëndrimin e vet përpara se të niste mbledhja. Edhe njëherë dua të theksoj, ne nuk jemi kundër asnjë vendimi që ka në bazë interesin qytetar, në rastin konkret, u larguam nga mbledhja sepse mbledhja nuk filloi në kohën e duhur. Qëndrimin e LSI-së e keni transmetuar, përmes koordinatores së këshilltarëve të LSI-së Eriona Bixha. Ata që votuan nuk janë këshilltarë të LSI-së.”, deklaroi Luan Rama. (J.V/Shuplaka)