Gazetari i njohur Klodian Tomorri ironizon veprimet e qeverisë lidhur me dy çështjet më të përfolura të këtyre ditëve: Lëndët narkotike dhe Gripi.
Në shkrimin e titulluar “Narkogripi”, gazetari shkruan se ka fakte të pakundërshtueshme që policia e shtetit është e përfshirë drejtpërdrejt në trafikimin e lëndëve narkotike. Madje po vazhdoi kështu, Tahirit do ia mbjellin drogën në oborrin e ministrisë.
Ndërkaq Tomorri ka reaguar ashpër edhe për vendimin e qeverisë për të mbyllur shkollat dhe administratës deri më datë 9 me arsyetimin se gripi është në qarkullim.
Sipas gazetarit, edhe Finlanda që është vendi më i prekur nga kjo epidemi nuk e ka marrë një vendim të tillë.
Shkrimi i plotë:
“Ministri i Brendshem del dy ore para mediave dhe thote se viti 2016 shenoi shkeputjen e policise nga krimi dhe degradimi profesional.
Por ne fakt, 2016-a e vuri Shqiperine ne harten e turpit. Dhe ka fakte te pakundershtueshme qe segmente te tera te policise se shtetit jane te perfshira drejteperdrejte ne kultivimin dhe trafikimin e lendeve narkotike njesoj si ne narkoshtetet e Amerikes Latine.
Fatkeqesisht sot qe flasim pjesa e ndershme ne policine e shtetit eshte ne minorance, te pakten ne hierarkine e larte drejtuese. Ministri i brendshem ka arsye te forta per te qene i shqetesuar.
Vendi ka hyre ne nje spirale te rrezikshme qe vitin e ardhshem mund te pershkallezohet me tej per shkak te zgjedhjeve. Po vazhdoi keshtu zotit Tahiri do ja mbjellin drogen edhe ne oborrin e Ministrise se Brendshme. Keta e marrin me shaka, por ato jane para qe do hyjne ne Parlament dhe do i vene minat shtetit.
Ministri i shendetesise ve kujen me te madhe dhe bertet gripi, gripi. Mbyll shkollat dhe paralizon sektorin publik pa gje te keqe.
OBSH thote se vendi me i prekur nga gripi eshte Finlanda. Por qeveria finlandeze nuk i mbylli shkollat as administraten. Ndoshta ministri i shendetesise ne Finlande nuk e do aq shume popullin sa ministri yne.”(D.D/Shuplaka)
