Gazetari, tani që politikanët nuk mund të flasin më për shkak të heshtjes zgjedhore, u tregon vendin, duke e thënë publikisht se nuk folën për ushqimet e pasigurta, ujin me vakte, ajrin e ndotur, mungesën e spitaleve dhe të politikave sociale.
”Dmth në këtë fushatë u fol, u fol pa fund por askush nuk tha asgjë!”, nxjerr si konkluzion Denis Dyrnjaja.
KOMENTI I PLOTË:
Është momenti për një bilanc të shkurtër në këtë ditë heshtjeje zgjedhore
Askush nuk foli dhe nuk kishte një plan për të ndalur ushqimet e pasigurta që konsumon popullata.
Askush nuk foli pse ende kemi ujë me racion e me vakte dhe si e kur do të kemi ujë 24 orë?!
Askush nuk foli për ajrin e ndotur dhe për një plan për të përmirësuar realisht atë.
Fëmijët dhe të rinjtë i përdorën të gjithë në fushatë por asgjë nuk u tha sesi jeta e tyre do të bëhet më mirë në terma realë.
Askush nuk foli për një spital ku të izolohen njerëzit e sëmurë mendërisht që bredhin lirshëm sepse nuk kanë një qendër ku të strehohen dhe kurohen.
Askush nuk flet për plakjen e popullsisë dhe politika sociale për të zvogëluar depresionin shoqëror dhe social të kësaj shoqërie që ka si institucion pune dhe argëtimi kafenenë.
Dmth në këtë fushatë u fol, u fol pa fund por askush nuk tha asgjë!
Discussion about this post