A ka një ftohje të raporteve ndërmjet liderit historik të PD-së Sali Berisha dhe kryetarit aktual Lulzim Basha?
Kjo është një pyetje që po shtrohet më së shumti në diskursin publik, sidomos brenda të djathtës.
Për t’i hedhur benzinë zjarrit, ka menduar gazetari Agim Xhafka, që në një postim të tij në Facebook, ka rrëfyer një takim që ka patur dy ditë më parë me ish kryeministrit Sali Berisha.
Sipas gazetarit Xhafka, i ka rrëfyer se Sali Berisha ka trishtim e shqetësim se Partia që dorëzoi nuk ka qetësi, pra nuk po starton drejt ngritjes.
Sipas Xhafkës ish kryeministri Berisha ka qenë i drejtpërdrejtë kur është shprehur se fajtor është Lulzim Basha.
Gjatë bisedës, ish kryeministri Berisha e ka cilësuar marrëveshjen Rama Basha si “puthja e vdekjes”.
“Jo për ditën kur u dakortësuan,por më vonë kur ai shtrëngim duarsh u shit nga socialistët si favor për PD-në. E ndërsa Rama tallej fshatrave duke e quajtur Bashën cun të mirë, kryetari i PD-së nuk agresohej,ndaj baza u ftoh dhe tani ajo është vagull”– është shprehur Berisha.
Xhafka ka rrëfyer edhe zhgënjimin e liderit historik të PD-së, sa i takon listave të deputetëve të PD-së të cilat ai i ka vlerësuar si një gabim të madh.
“Nuk fshihet fibra e PD-së me një të rënë të lapsit. Si ishin listat i mësova nga media”-është shprehur Berisha gjatë bisedës.
Por pjesa kryesore e bisedës mes gazetarit Xhafka dhe ish kryeministrit Berisha është pjesa kur ai pyet nëse Lulzim Basha duhet të jepte dorëheqjen në rast të humbjes së zgjedhjeve lokale të 2019-ës.
Përgjigja e Sali Berishës duket sa e fortë aq edhe paralajmëruese.
Për liderin historik të PD-së, Lulzim Basha duhet të kishte dhënë dorëheqjen.
Berisha i ka mëshuar idesë se rikthimi i të larguarve është domosdoshmëri për ripërtëritjen e PD-së, duke e vënë theksin sidomos tek rinia.
Postimi i plotë i Xhafkës:
