Në fakt ditën e djeshme Erion Veliaj u shfaq mjaft krenar në inagurimin e ambjenteve të Pazarit të Ri. Në fjalën hapëse ai nuk mungoi që të shprehte me superlativa edhe vlerësimet për punën e bërë nga kryeministri Rama në krye të Bashkisë.
Po gazetarin Xhafka ky moment e ka bërë të kthehej pas në kohë duke thënë se në kohën e komunizmit kur kishin blerë televizor e ëma e kishte mendjen te çentroja. E në fakt për të inagurimi i Pazarit të Ri krahasuar me Rrugën e Kombit i ngjan punës së çentros.
‘’Mbaj mend kur blemë televizorin e parë babai shtroi një darkë. U mblodhën xhaxhallarët me fëmijët e tyre,kushërinj nga fshati e qyteti dhe u kënaqëm me kongresin e 8 të Partisë së Punës. Foli dhe vetë udhëheqësi. Pihej raki e duartrokitej. Ne,të rinjve na shkonte sumbulla nga Jugosllavi,por babai shkelte buzën e prapë tek Enveri.
Nëna kishte bërë një çentro me grepa dhe e kishte vënë mbi tv që një cep t’i binte mbi ekran.
-Si u duket?- pyeste grarinë.
Ne e ngrinim cepin se na pengonte. Por prapë binte që binte. Nëna sërish pyeste:
-Nuk më thatë një fjalë për çentron.
Por Enveri ngrinte zërin e çakërqejf njerëzit duartrokisnin edhe kot.
Kjo histori m’u kujtua sot kur Lali Eri inaguroi pazarin e ri. Me aq bujë e pompë. Vetë kryeministri e sajdisi në këtë projekt lokal. Dhe kur e krahasova p.sh.me rrugën e kombit,m’u duk si pyetja e mamasë.
Pazari ishte tamam çentro,se tv ishte rruga e kombit. Kaq’’, shkruan Xhafka. (E.K/SHUPLAKA)
