Arrestimi i Kastriot Myftarajt u shoqërua me reagime të shumta pro dhe kundër këtij akti. Vetë analisti e quajti këtë një akt politik. Në një shkrim të publikuar dje në profilin e vet social, myftaraj heq paralelizmin mes tij dhe një gazetareje të CNN.
Gazetarja e CNN Kathe Griffin, doli me kokën e prerë e të përgjakur të Presidentit Trump në dorë dhe në fakt lajmi bëri xhiron e botës. Pas kësaj askush nuk reagoi kundër gazetares. Në këtë prizëm Myftaraj thotë se pavarësisht se gazetarja humbi vendin e punës atë nuk e ka gjetur asgjë në aspektin ligjor.
‘’ Imagjinoni pak se çfarë do të kishte ndodhur nëse unë do të kisha vepruar si gazetarja e CNN Kathe Griffin, që doli me kokën e prerë e të përgjakur të Presidentit Trump në dorë, dhe të kisha dalë duke mbajtur në dorë kokën e prerë të përfaqësueses së Bashkimit Europian.
Tani me siguri do të isha në burg. E pra, Kathe Griffin nuk është në burg, ajo thjesht humbi vendin e punës, duke u njoftuar nga punëdhënësi i saj, CNN se po e largonin për shkak të shkeljes së standardeve etike të medias. Pra, zonja Griffin mund t’ i shprehte idetë e saj jashtë ekranit të CNN.
Zonja Griffin nuk u ndalua nga FBI, as iu komunikua urdhër arrestimi që më pas do të rrëzohej nga një prokuror federal, sic ndodhi në rastin tim. Rasti i saj ka shkaktuar një debat të madh duke e ndarë përgjysëm opinionin public amerikan. Unë personalisht jam në anën e atyre që e quajnë të papranueshëm për standardet etike mediale, atë që ka bërë Zonja Griffin’’, shkruan ndër të tjera Myftaraj.
POSTIMI I PLOTË I MYFTARAJT:
Imagjinoni pak se çfarë do të kishte ndodhur nëse unë do të kisha vepruar si gazetarja e CNN Kathe Griffin, që doli me kokën e prerë e të përgjakur të Presidentit Trump në dorë, dhe të kisha dalë duke mbajtur në dorë kokën e prerë të përfaqësueses së Bashkimit Europian. Tani me siguri do të isha në burg. E pra, Kathe Griffin nuk është në burg, ajo thjesht humbi vendin e punës, duke u njoftuar nga punëdhënësi i saj, CNN se po e largonin për shkak të shkeljes së standardeve etike të medias. Pra, zonja Griffin mund t’ i shprehte idetë e saj jashtë ekranit të CNN. Zonja Griffin nuk u ndalua nga FBI, as iu komunikua urdhër arrestimi që më pas do të rrëzohej nga një prokuror federal, sic ndodhi në rastin tim. Rasti i saj ka shkaktuar një debat të madh duke e ndarë përgjysëm opinionin public amerikan. Unë personalisht jam në anën e atyre që e quajnë të papranueshëm për standardet etike mediale, atë që ka bërë Zonja Griffin.
Rasti im nuk ngjan me të sajin, por i ngjan tërësisht rastit tim, gazetarët e CNN që në janar, një ditë para hyrjes së Trump në Shtëpinë e Bardhë bënë analizën e famshme se çfarë do të ndodhte të nesërmen nëse Trump do të vritej, as që u larguan nga CNN, jo më nuk u morën nën hetim, apo të arrestoheshin.
Ky është standardi i vërtetë i lirisë së medias, që ka ekzistuar madje edhe në Gjermaninë Naziste. Madje edhe gjykata e Gjermanis naziste, e cila gjykoi Gjergj Dimitrovin në vitin 1934, në Gjyqin e famshëm të mbajtur në Laipcig, e rrëzoi jo veç akuzen për djegien e Raishtagut, por edhe akuzën se ai me shkrimet e veta pati bërë thirrje për përmbysjen me dhunë të rendit kushtetues në Gjermani. Sipas akt-akuzës së Prokurorisë naziste:
“I pandehuri Dimitrov, më inteligjenti dhe më i rrezikshmi nga të tre bullgarët, nuk e fsheh se si komunist që është e përkrah kryengritjen popullore kundra kapitalizmit. I pandehuri është marrë seriozisht edhe me çështjet teorike të përmbysjes me force të shtetit në Gjermani, kjo vërtetohet plotësisht me broshurën “Kryengritja e armatosur” që i është gjetur atij”. (citue sipas: “Dimitrovi kundër Geringut”-Sipas materialeve të Procesit të Laipcigut; Shtëpia botuese “8 nëntori”, Tiranë 1958, f. 89.)
Gjykata naziste konstatoi se paraqitja e ideve në një libër nuk asht baraz me thirrjet publike dhe se Dimitrov i kishte shprehur ato në kohën kur në Gjermani nuk kishte dalë një ligj i posacëm që dënonte shprehjen dhe përhapjen e tyre. Dimitrov u la i lirë por duke u paralajmëruar nga Gjykata se shprehja e këtyre mendimeve tashmë dënohej me ligj të posacëm në Gjermani dhe nëse ai do t’ i shprehte ato, siç kishte bërë në të shkuarën, ai do të dënohej këtë herë. Në Shqipëri nuk ka dalë ende një ligj i posacëm që të dënojë analizat mediale sipas modelit të mediumeve të mëdha të botës demokratike, në këtë rast të CNN.
Discussion about this post