Kryeministri Edi Rama ka mbledhur këtë mëngjes sërish gazetarët në një bashkëbisedim nga Velipoja.
Prej ditës së djeshme qeveria e re është mbledhur në një kompleks turistik në Velipojë në një takim informal ku do të vendosen piketat e qeverisjes në 100 ditët e para.
Ndërkohë që ka nisur biseda Rama i është përgjigjur dhe pyetjes së gazetares për rojet e plazhit dhe mbytjet e shumta këtë vit në vendin tonë.
Kryeministri nuk e ka gjetur aspak fajin te rojet e plazhit, pasi sipas tij shumica e mbytjeve ka ndodhur në vende që nuk kanë qenë të lejuara për plazhe.
“Shumica e tyre nuk kanë qenë për shkak të rojeve bregdetare, kjo pasi shumica e mbytjeve kanë ndodhur në plazhe që nuk kanë qenë të lejuara. Nuk është faji i rojeve të plazhit për rastet kur bienë infrakte”, u shpreh Rama.
Nëse shohim bilancin e këtij sezoni turistik, çdo tre ditë ka humbur jetën një pushues, një shifër mjaft e lartë kjo që të kujton një gjendje emergjente.
(E.K/SHUPLAKA)
Discussion about this post