Gazetarja e pyet mbi hetimet e Prokurorisë së Catanias për Tahirin, si përgjigjet Mogherini

Gazetarja shqiptare Erisa Zykaj drejtpërdrejt ka pyetur Federika Mogherinin, përfaqësuesen e lartë të BE-së në lidhje me qëndrimin e Kuvendit për Tahirin. 

Duhet thënë se zyrtarja e BE-së nuk ka folur aspak në lidhje me qëndrimin e Kuvendit, duke thënë se kërkon që të mos flasë në lidhje me hetimet. 

Zykaj: Tashmë kemi provat e Prokurorisë së Katanias ku përmendet 5 herë emri i ish-ministrit të Brendshëm Saimir Tahiri. Si e vlerësoni ju qëndrimin që mbajti Parlamenti? Nëse Shqipëria ka përparuar kaq shumë si ka mundësi që shqiptarët duan të largohen nga vendi?

Mogherini: Jo vetëm në vërejtjet e mija, edhe vitin e shkuar edhe në Tiranë e kam deklaruar që çështja e drogës duhet të merret shumë seriozisht, me të gjithë mbështetjen politike.

Agjensitë ligjzbatuese janë duke bashkëpunuar me partnerët ndërkombëtarë, normalisht me çështjen italiane, nuk dua të bëj asnjë koment në lidhje me hetimet që zhvillohen aty. Respektoj dhe admiroj që këto çështje të mbeten jashtë diskutimeve politike.

Shoh vendosmëri dhe shoh që ka bashkëpunim. Duhet të shohim tashmë rezultate konktrete, ky nuk është kusht i BE-së, është kusht që është vendosur nga ana e popullit shqiptar. Është e rëndësishme që të ketë vendosmëri dhe të arrijmë në hapa konkrete. Ky progres duhet të jetë i vazhdueshëm dhe i angazhuar.

(E.K/FAXWEB)