Gazetari shqiptar Sokol Shameti ka publikuar një foto nga ngjarjet dje në Prishtinë, në ditën e pavarësisë së Kosovës, ku shfaqet një gazetare serbe me simbolin çetnik, që për shumë shqiptarë është me të vërtetë provokues.
Jelena Gjorgjeviç, dje në Prishtinë, bashkë me kameramanin as që e ka problem pse bën atë simbol faqe gjithë kalimtarëve.
”Ndonëse nuk e thonë hapur, e vërteta është se serbët janë të kënaqur me pavarësinë e Kosovës për sa kohë ajo nuk është gjë tjetër veçse pavarësi nga Shqipëria. Problemi i tyre nuk është Kosova si Kosovë, por Kosova si Shqipëri. Dhe kjo duket se është e rrënjosur thellë tek ta, ndonëse nga Shqipëria nuk u ka ardhur kurrë asgjë e keqe serbëve (kemi minoritet serb këtu dhe serbët gjithashtu kanë jetuar në histori pranë shqiptarëve edhe kur qeverisnin shqiptarët). Unë nuk e di origjinën e kësaj armiqësie raciste, por shoh se tashmë papajtueshmëria e serbëve me shqiptaren, shprehet tek preferenca e tyre për “kosovaren”.
Për ta shprehur këtë pajtueshmëri, ja si e përshëndesin festimin e pavarësisë së Kosovës në mes të Prishtinës, me simbolin çetnik.”, komenton Shameti. (V.G/SHUPLAKA)
Discussion about this post