Gazetarja Erisa Zykaj, që prej vitesh është e vendosur në Bruksel, si korrespodente e disa televizioneve në vendin tonë, ka rrëfyer edhe historinë e saj të dashurisë me bashkëshortin spanjoll, Zak.
E ftuar në emisionin “Rudina”, Zykaj tha se është takuar me të në kursin e hollandishtes dhe ka qenë një dashuri me shikim të parë.
“Unë shkova në kursin e hollandishtes, aty nuk kisha vajtur për të gjetur dashurinë, por ja që aty e takova. Hyra në klasë dhe i përshëndeta. Ai kishte rënë në dashuri me mua, me energjinë time dhe me sytë që më shkëlqenin”, zbuloi gazetarja.
Po ashtu Erisa tregon se është bërë nënë e një djali, ndërsa me të dyve nuk ka pasur një ceremoni dasme tradicionale.
“Kur jam bërë nënë për herë të parë ishte fantastike. Zak ma ka ndryshuar krejtësisht jetën, ai nuk di kurrë të nevrikoset dhe të kesh fëmijë me Zakun është lumturi totale. Ne kemi 11 vite të martuar dhe ky është kurorëzimi i dashurisë së vërtetë”, tha ajo më tej.
(E.K/FAXWEB)
