Kreu i Departamentit të Shëndetësisë në PD, Gazment Koduzi ka denoncuar një ngjarje të rëndë që sipas tij ka ndodhur në Kamëz ku një person pjesë e stafit mjekësor i një qendre shëndetësore, ka rezultuar pozitiv me Covid-19 ndërsa asnjë nga të infektuarit nuk është kontaktuar për hetim epidemiologjik.
Sipas Koduzit, një personi të stafit mjekësor në Kamëz me COVID-19, stafit të Qendrës Shëndetësore nuk i bëhet tampon
Ai bën apel që në mungesë të tamponit, kjo qendër shëndetësore duhet të mbyllet derisa të sqarohet statusi shëndetësor i personelit pasi rrezikon të kthehet në qendër infektimi.
Koduzi ka komentuar edhe heshtjen e kryeministrit Edi Rama për vdekjen e dy mjekëve nga Covid-19.
“Qeveria eshte dorezuar perpara virusit covid-19. Ajo nuk arrin te mbroje as qytetaret, as punonjesit e shendetesise. Nje staf mjeksor i qendres shendetesore Kamez ka rezultuar covid-19 pozitiv, dhe gjej rastin ti uroj koleges sherim te shpejte. Por, asnje nga stafi nuk eshte kontaktuar per hetim epidemiologjik, aq me teper ti behet tamponi. Ne mungese te kryerjes se tamponit, kjo qender duhet mbyllur derisa te sqarohet statusi shendetesor i punonjesve te saj, qe mos te kthehe ne qender infektimi per popullaten si QSUT. Nderkohe, Rama eshte fshehur, dhe nuk foli asnje fjale as per humbjen e jeteve te dy mjekeve. TURP”, shkruan Koduzi.
Discussion about this post