Kur flitet për ndarje dhe klane brenda partisë demokratike dhe për njerëz të Bashës dhe Berishës, Genc Ruli kountribon në shuarjen e këtyre zërave.
Në një intervistë për një të përditshme , deputeti demokrat sqaron qëndrimin që ai shfaqi në mbledhjen me dyer të mbyllura të Grupit Parlamentar dhe mundësinë për shtyrjen e zgjedhjeve me disa ditë, deri në realizimin e kërkesave të opozitës.
Ruli mohon që gjatë mbledhjes së Grupit Parlamentar të ketë pasur një diferencë mendimesh mes ish-kryeministrit Sali Berisha dhe kreut të PD-së, Lulzim Basha, sa i takon një bojkoti të mundshëm të Parlamentit nga PD.
“Nuk ka pasur një diferencë mendimesh mes Bashës dhe Berishës. Madje, një pjesë e madhe e Grupit Parlamentar kanë qenë në të njëjtën linjë mendimi. Por ka pasur edhe disa zëra të tjerë që kanë kërkuar që jeta parlamentare të vazhdojë me një ritëm normal, sikundër bëhet në një periudhë të zakonshme me diskutim në seancë të të gjitha ligjeve, me pjesëmarrje 100% në mbledhjet e komisioneve. Pra kanë qenë më shumë hezitime të këtij lloji. Por nuk kishte qëndrime diametralisht të kundërta, pavarësisht se nuk u kalua në një vlerësim përfundimtar të vendimit”, është shprehur Ruli. (E.K/SHUPLAKA)
Discussion about this post