Ish-deputeti demokrat Genc Ruli, i cili vendosi të largohet nga politika, ka reaguar pak më parë lidhur me rezultatin e deritanishëm të zgjedhjeve, ku Partia Socialiste kryeson me 73 mandate. Duke iu referuar mesazhit të një qytetareje që i kërkon të rikthehet në Gjirokastër, ai shprehet se ka ikur tashmë koha.
Duke e cilësuar rezultatin e deritanishëm si katastrofik, ai zbulon edhe arsyet e këtij rezultati, por edhe përse vendosi të largohet nga politika.
Genc Ruli e lidh gjithçka me vlerat, që nuk janë të njëjta me ato që preferon zgjedhësi. Ata që nuk e kanë kuptuar këtë sipas Rulit, ia përcollën mjerimin votuesve të Partisë Demokratike.
“Lori me vjen keq por nuk te falenderoj dot per komentin tend dashamires. Ky rezultat tregon nje problem te madh qe ndoshta sot per sot nuk mund ta kuptojme. Zgjuarsia e vertete e nje njeriu politik eshte qe para se gjithash te kuptoje kthjellet kohen dhe tarikatin e vlerave qe qytetaret vlersojne ate moment. Ne kte kuptim qe prej nje viti i jam larguar politikes aktive duke kuptuar qe disa politikane dhe une mes tyre s’kemi me lidhje me vlerat qe preferon sot zgjedhesi. Por dhe as pershtatemi dot me me ato vlera. Mjere ata qe se kane kuptuar kete . Por mjerimin jua percollen votuesve te PD duke ju prodhuar kete rezultat katrastofik.”, shkruan Ruli.
(XH.A/SHUPLAKA)
