Genc Sejko ka komentuar marrëveshjen midis Shqipërisë dhe Frontex lidhur me zbarkimin e 50 trupave në vendin tonë të kësaj organizate europiane për kufijtë e cila u zyrtarizua gjatë ditës së sotme.
Sejko shprehet se ndryshe nga sa u promovua, ardhja e Frontex në Shqipëri demostron dështimin e qeverisë për të siguruar kufijtë e vendit. Ai ka radhitur 8 objektivat e saj që e kanë detyruar të zbarkojë për herë të parë në një vend që nuk është pjesë e Bashkimit Europian, me të cilat argumenton se janë edhe arsyet që sipas tij nuk kanë të bëjnë me Shqipërinë dhe shqiptarët por me sigurinë e BE-së.
Ndër objektivat që radhit Sejko janë, kontrolli i fufijve, sekuestrimi i drogës, lufta ndaj krimit ndërkufitar, sekuestrimi i armëve etj.
Reagimi i plotë:
Qeveria jonë e shet ardhjen e Frontex si një sukses. Në fakt prezenca e Frontex ne Shqipëri demostron dështimin spektakolar të qeverisë për të siguruar kufijtë e vendit. Në një rast të pa precedentë, Frontex që nuk operon jashtë kufive të BE-së ka zbarkuar sot në vendin tonë. Për të kuptuar arsyet se pse Frontex ndodhet në Shqipëri mjafton të shohësh se kush janë objektivat kryesore të prezencës së tyre.
- Kontroll i kufive
• Sekuestrim armësh
• Sekuestrim droge
• Luftë krimit ndërkufitar
• Zbulim i dokumenteve false
• Bllokim i mallrave kontrabantë
• Zbulimi i automjeteve të vjedhura
• Zbulimi i trafikantëve të qënieve njerëzore
Siç duket qartë asnjë nga objektivat nuk kanë të bëjnë me ne por me sigurinë e BE-së.
Kufiri shqiptar me Greqinë do të patrullohet nga 50 oficerë policie të Frontex. Misioni i Agjencisë së Mbrojtjes së Kufijve Europian ‘European Border’ dhe ‘Cost Guard’, do të veprojë në 2 pikat kryesore doganore me shtetin fqinj në Kapshticë dhe Kakavijë.
Kjo është hera e parë që kjo agjenci nënshkruan marrëveshje me një vend që nuk është në Bashkimin Europian, e cila vjen edhe si një masë kundër emigrimit të paligjshëm dhe krimit të organizuar (lexo këtu).
(F.GJ/FAXWEB.AL)
Discussion about this post