Një akt brutal e ka konsideruar aktivisti Genc Sejko shembjen e godinës së Teatrit Kombëtar, ku thotë se qeveria kishte avantazhin që i sfilit për më shumë se dy vite artistët që qendruan të bashkuar për më shumë se dy vite. Sejko tha se ka ardhur momenti që të gjithë shqiptarët të reagojnë, pasi në të kundërt diktatura do të ishte një realitet i qartë dhe i pandryshueshëm.
“Akt brutal dhe tinzar, rreth orës 04:00 më dhanë një lajm të mirë nga miqtë e mij artist, se policia ishte tërhequr, dhe pas gjysmë ore ndodhi ajo që të gjithë e pamë. Sot nuk u prish një teatër, sot u instalua diktatura, dhe na takon ne nëse do ngrihemi apo jo. Rama i hodhi letrat e tij, tani gjithçka tjetër na mbetet ne. Është një kapriço personale e kryeminsitrit, është shumë e trishtë, pasi jam edhe krenar me ato njerëz që qendruan atje dhe bënë sa më shumë mundën.
Qeveria ka një avantazh, që të sfilit ty, të nis mesazhe të herëpashershme, dhe të ngre disa herë alarmin, që të godasë më pak, ka avantazhin që të veprojë kur do ajo. Një pjesë e mirë e njerëzve e morën si një sinjal që policia ishte larguar, në këtë aspekt nuk mund ti vësh faj opozitës, ama sesi e trajton tani e tutje kjo duhet parë. Nuks shoh asnjë mjet që të shoh se kjo situatë mund të jetë më normale. Do lejojmë instalimin e kësaj dikature?
Duhet të ketë protesta deri në largimin e kësaj qeverie, pasi në të kundërt është instaluar diktatura, të bëhemi gati që të jetojmë si para 30 vitesh. Këta njerëz nuk njohin as institucionet kombëtare dhe as ato ndërkombëtare”, u shpreh Sejko në një lidhje me skype me Fax news.
Discussion about this post