Aktivistit Genc Sejko i kanë mbyllur llogarinë e tij në Facebook, për shkak se është një nga kritikët më të mëdhenj të qeverisë Rama.
Në një prononcim për Faxweb.al Sejko ka treguar se faqen në Facebook ia kanë bllokuar për 30 ditë, ndërsa shton se kjo do të jetë si një periudhë paraburgimi për të.
E çuditshme është fakti se një nga postimet për të cilën është mbyllur faqja lidhet me nje meme të publikuar rreth një viti më parë, me personazh kryesor Edi Ramën. Fotoja e cila është bërë report lidhej me një nga skandalet seksuale të kohës, dhe kryeministri Rama ”shfaqej” gjysmë nudo.
“Ma kanë bllokuar faqen për 30 ditë, njësoj si masë “paraburgimi” 30 ditor. Bllokimi ka ndodhur për një foto të postuar një vit më parë në profilin tim.
Në foto dukej kryeministri Rama, për një muaj nuk postoj dot asgjë, as një mesazh inbox”, është shprehur Sejko, me të cilin duhet thënë se janë sensibilizuar një numër shumë i madh aktivistësh.
(E.K/FAXWEB.AL)
