Ministri i Jashtëm Gent Cakaj vijon me ndërhyrjet e forta në shërbimin diplomatik të Shqipërisë. Pas heqjes së 28 diplomatëve nga vendet e punës, heqjes së targave diplomatike për konsujt e nderit, tashmë radha i ka ardhur pasaportave diplomatike.
Në një dalje për mediat, Cakaj u shpreh sot se do të ndërhyhet te 350 pasaporta diplomatike me probleme, pasi situatë nuk është aspak normale. Cakaj u shpreh se pasaportë diplomatike kanë përfituar dhe shoferë të insitucioneve, duke ulur peshën e saj në krahasim me vendet europiane.
“Kam vendosur masa për pasaportatat diplomatike, 350 prej tyre që janë me problem duhet të kthehen, në të kundërt do të shpallen të pavlefshme.
Kemi dyfishin e pasaportave në krahasim me fuqitë e mëdha, sot ka më shumë se 350 persona që mbajnë pasaportë në kundërshtim me ligjn, deputetë pa mandat, gjykatës që nuk kanë kaluar Vetingun dhe deri të shoqërues të përfaqësuesve të lartë”, u shpreh mes të tjerash Cakaj.
“Do të përmirësohet ligji për kriteret e lëshimit të pasaportave, kërkojmë abrogimin e VKM për lëshimin e pasaportë. Kemi gati ligjin me standardet e BE për lëshimin e pasaportave, kemi gati propozimet ligjore për lëshimin e pasaportave, pesha e pasaportës diplomatike do të restaurohet, edhe pasaporta e zankonshme e Shqipërisë do të fuqizohet”, u shpreh më tej Cakaj.
(E.K/FAXWEB.AL)
Discussion about this post