Kreu i KLP-së Gent Ibrahimi ka folur pas mbledhjes së sotme se data 19 Dhjetor është dita kur SPAK do të zëvendësojë Prokurorinë e Krimeve të Rënda dhe të gjitha dosjet do të kalojnë atje.
Ibrahimi u pyet edhe për hetimet e ndërtimeve që u prekën nga tërmeti i 26 Nëntorit kur tha se nuk është çështje që i takon KLP-së por Prokurorisë së Përgjithshme
“Në datën 18 do bëjmë intervistat me 3 kandidatët. Dosjet e tyre janë tashmë në këshill. Do t’i dëgjojmë ata. Seancat dëgjimore do jenë publike. Metedologji rrjedh nga rregullorja jonë. Ne kemi marrë një vendim në bllok për të sistemuar në bllok këta prokurorë. Caktimet e përkohshëm nuk kërkojnë pëlqimet e prokurorëve. Primar është sistemi dhe jo interesin individuale. Në datë 19 do fillojnë punën ata 8 prokurorë që kemi caktuar. Më pak do ketë më shumë se 10. Do ketë transferimin e disa drejtuesve të tjerë. Ne kur bëhet fjalë për ristrukturim neglizhojnë ambiciet personale. Këta prokurorë kanë shërbyer si prokurorë karriere. Ata do duhet t’i trajtojmë në një mënyrë që nuk i përgjigjet atyre. Pavarësisht problematikave të Durrësit, ngarkesa në Tiranë është më e madhe. Në datë 20 nuk do ketë prokurori dhe as gjykatë të Krimeve të Rënda. Sot jemi para një situate se nuk kemi marrë një vendim individual për Donika Prelën por në kuadër të strukturimit”, tha kreu u KLP.
Discussion about this post