Gent Ibrahimi vizitë në Elbasan, zbulohen dy emrat e propozuar për drejtimin e Prokurorisë

Kreu i Këshillit të Lartë të Prokurorisë Gent Ibrahimi ka zhvilluar ditën e sotme një vizitë në Prokurorinë e Elbasanit ku është takuar me prokurorët.

Mësohet se për drejtimin e Prokurorisë së Elbasanit janë propozuar emri i Kreshnik Ajazit dhe Bledar Mustafarajt.

Mësohet se njëri nga dy emrat e mësipërm do të marrë drejtimin e Prokurorisë së Elbasanit ndërkohë që kjo vjen pas nisjes së ngritjes së institucioneve të reja të drejtësisë.

Vetëm pak ditë më parë është ngritur Struktura e Posaçma Anti-Korrupsion me drejtues Arben Kraja.

Ibrahimi nuk ka pranuar të prononcohet për median. Burime bëjnë me dije se është njohur me problematikat e institucionit, dosjet e nxehta si dhe ka dhënë porosi të qarta.

Ibrahimi ka folur hapur duke kërkuar të mos bëhet kompromis me krimin, por të luftohen bandat.
Elbasani vetëm gjatë këtij muaji tërhoqi vëmendje për atentatin në Peqin ku mbeti i vdekur një persona dhe u plagos një tjetër

(F.GJ/FAXWEB.AL)