Gent Sejko i cili është Guvernatori i Bankës së Shqipërisë, në një deklaratë për mediat është shprehur se ekonomia e Shqipërisë është rritur në 6 muajt e parë të 2017.
Sipas guvernatorit, rritja ekonomike shënoi vlerën 3.34% në 3-mujorin e parë të vitit, ndërsa shton se konsolidimi fiskal ka shfaqur një intensitet të ulët.
“Kredia në lekë u rrit me 9% në një vit. Nuk ka pasur rritje të normave të interesit në kreditim. Kushtet për të marrë kredi pritet të lehtësohen”, tha Sejko gjatë deklaratës për mediat.
Mirëpo Ekonomia pritet të ketë ngadalësuar rritjen e saj në tremujorin e dytë të vitit, si efekt i pasigurisë që krijon situata parazgjedhore, pasi Sejko shtoi se norma bazë e interesit do të vijojë të jetë në 1.25 %.
“Rritja ekonomike e tremujorit të parë ka rezultuar më e lartë sesa parashikimet tona kurse inflacioni në maj dhe prill më i ulët. Gjithsesi ne presim një kthim të ekonomisë në ekuilibër dhe të inflacionit në objektiv brenda vitit 2018” tha Sejko. (D.D/Shuplaka)
Discussion about this post