Ish deputeti i Partisë Demokratike, Gent Strazimiri, i ftuar në studion e lajmeve të televizionit FaxNews, fa folur rreth aktualiteti politik, si dhe situatës së pandemisë në vend. Strazimiri komentoi raportin e Departamentit Amerikan të Shtetit në të cilin thuhej se korrupsioni në Shqipëri ndikon negativisht në përthithjen e investimeve të huaja. Sipas tij korrupsioni endemik nuk krijon një mjedis fertil ku mund të krijohet një klimë besimi për kompanitë e huaja që duan të operojnë në vendin tonë
“Është e pamundur që investimet e huaja të kenë një terren fertil për t’u shtuar dhe për t’u mbjellë në Shqipëri dhe të japin zhvillim, pasi korrupsioni është endemik në të gjitha qelizat e administratës. Sigurisht këtë nuk mund ta lidhim dhe me faktin që PPP kanë shkatërruar konkurencën ekonomike. Kërkojnë mandatin e tretë dhe vazhdojnë të tallen me shqiptarët, ku në momentin që ata fillojnë të organizohen i japin drurin si në rastin e naftëtarëve. Durimi duhet të ketë një fund aty ku mbaron durimi fillon dinjiteti”.- u shpreh Strazimiri.
Gjithashtu ish-deputeti demokrat, u ndal dhe tek hapja e shkollave duke i konsideruar ato si një bombë ku ka shpërthyer tashmë Covidi dhe jo një bombë me sahat që pritet të shpërthejë. Tamponi prej 120 mijë lekësh është i pamundur të përballohet nga familjet shqiptare u shpreh më tej ai.
“Shkollat janë një bombë që kanë shpërthyer dhe jo një bombë me sahat. Jemi ndër të paktat vende të Evropës që është një stërmundim i tmerrshëm të bësh tamponin. Është e pamundur, 120 mijë lekë tamponi është e pamundur për një familje shqiptare me 4 persona. 43 përqind e familjeve shqiptare e kanë të pamundur ta kryejnë tamponin. Qysh prej fillimit të pandemisë Partia Demokratike është shprehur për tamponim masiv dhe izolimin e atyre që shfaqin simptomat dhe në këtë mënyrë ruhet pjesa e tjetër e popullsisë”.-tha Strazimiri”.tha Strazimiri.
Discussion about this post