Biznesmeni, aktivisti George Soros ka paralajmëruar se Bashkimi Europian këtë vit do shkojë drejt shpërbërjes. Ai thotë se votuesit u janë larguar partive kryesore politike pasi elitat u kanë vjedhur demokracinë dhe parashikon se BE do të shpërbëhet brenda 2017.
86-vjeçari hungarezo-amerikan nëpërmjet një shkrimi në nj blog deklaroi se Brukseli është në pikën e thyerjes dhe mund të bjerë nën influencën e Vladimir Putin.
“Shoqëritë e hapura janë në krizë dhe shumë shoqëri të mbyllura, nga fashistët te shtetet mafioze, janë në ngritje. Si ndodhi kjo? Shpjegimi i vetëm që unë mund të gjej është se liderët e zgjedhur dështuan në misionin e tyre për të qenë pranë votuesve, për të përmbushuar aspiratat e tyre. Është mjaft e thjeshtë, ata mendojnë se elitat u kanë vjedhur demokracinë”, tha miliarderi.
Sipas tij mungesa e politikës së shpërndarjes së pasurisë dhe të mirave materiale është arsyeja kryesore pse kundërshtarët e demokracisë po ngrihen vitet e fundit”, tha ai.
Ai më tej sulmoi Angela Merkelin duke e fajësuar se pas krizës nuk pa përtej hundës së vet duke dëmtuar Bashkimin Europian”. “Bashkimi Europian do të pësojë shumë shpejt të njëjtin fat që pati Bashkimi Sovjetik”, përfundon ai shkrimin.
Soros ka një pasuri prej 25 miliardë dollarësh të bëra falë tregut të çregullt global dhe paaftësisë së qeverive të ndryshme për të shpërndarë pasurinë. Goditja e tij më e madhe ka qenë në vitet ’90 me paundin britanik, shkruan një potal online. (J.V/Shuplaka)
