Trajneri i Korabit, Gerd Haxhiu është shprehur i kënaqur me lojën e skuadrës së tij pasi arritën të merrnin një pikë me vlerë në “Zeqir Ymeri” ndaj vendasve që kryesojnë renditjen.
Gjatë një prononcimi për “SuperSport”, tekniku i dibranëve tha se pas këtij takimi nuk do ti lejojnë që ndeshjet si “vendas” ti realizojnë më në Kukës.
“E kishim përgatitur këtë ndeshje, u munduam ta menaxhonim mirë. Menduam që 10 minutat e para të kalonim në avantazh, por nuk ja arritëm, më pas na u desh të menaxhonim rezultatin. Mendoj që janë pikë besimi se sa përformance, do na ndihmojnë për të punuar me qetësi. Rivalët tanë direkt kanë fituar ndaj duhet për përgatitemi për ndeshjet e radhës.Dua të komplimentoj të gjithë skuadrën për lojën e zhvilluar”.
Stadiumi
“Në një ndeshje me Teutën kam thënë se këtu është mallkim por tani them se është fat. Unë isha nismëtari që ne të luanim në Kukës. Tani thojnë se nuk do të na lejojmë më të luajmë në “Zeqir Ymeri”.
Gavazj dhe Vujadinoviç
“Gavazaj është një lojtar titullar, sot ishte një zgjedhje e imja taktike, ai është gjithnjë një lojtar që më përgjigjet por e lashë për pjesën e dytë. Vujadinoviç ka pasur një problem shëndetësor ndaj ka qëndruar në stol”.
Ndeshja
“Bëra një gabim në lëvizjet e mija por gjithsesi aty ku çaluam ishin topat e kthyer në duelet e mbrojtjes. Janë një numër me influencë lojtarësh që munguan sot. Nëse do të kishim pasur zgjedhje të tjera të paktën do kishim tentuar për të fituar”.
Discussion about this post