Historia e këtij djaloshi ka prekur gjithë publikun, kur në emisionin “Dua të të bëj të lumtur”, u zbulua se ai është qëlluar me plumb në gojë aksidentalisht nga shokët e tij, edhe pse në një moshë fare të vogël.
Migersi ka lindur dhe jeton në Morinë të Kukësit. Atij i pëlqente të luante jashtë shtëpisë me shokët, ashtu si çdo bashkëmoshatari tjetër të tij.
Kështu para një viti, Migersi shkoi të luante në shtëpinë ngjitur me shokët e tij.
Në ato momente, e ëma po bënte punët e shtëpisë kur befas dëgjoi një të shtënë dhe më pas shumë klithma.
Pas kësaj, shoku më i madh I të birit filloi të bërtiste me fjalët: “Të kemi plagosur Gersin”!
Ajo u nis me urgjencë drejt shtëpisë së fqinjve, ku pa djalin e saj të mbuluar me gjak.
Të tjerët thërrisnin: “Ka vdekur, djali yt ka vdekur!”. Por, zemra e saj prej nëne e ndjente që kjo nuk ishte e vërtetë.
Gersi u dërgua në Spitalin e Tiranës me helikopter. Mjekët gjetën në gojën e tij disa plumba, me të cilat shokët e kishin plagosur padashje.
Ende pas një viti, djali I familjes Sylo ka ende probleme të mëdha, për shkak të shpërfytyrimit në fytyrë.
Emisioni “Dua të të bëj të lumtur” në televizionin Top Channel, i ka premtuar prindërve se djalin do ta operojnë e do t’i kthejnë buzëqeshjen që kishte më parë.
Por çfarë ka ndodhur me Gersin tani?
Gersi ka bërë 3 operacione, por pavarësisht dhimbjes ai ka qëndruar I fortë.
Në puntatën e sotme ai shkroi një letër për Arbanën.
Ai tregoi se pak nga pak po ia del dhe se pret me padurim t’ia kthejë Arbanës hajmalinë e fatit.
Letrën e Gersit e lexoi e ëma, Selvia e cila përloti gjithë publikun.
Historia e Gersit tregon se pavarësisht situatës ku ndodhesh, po të kesh durim dhe të tregohesh I fortë mund t’ja dalësh, ashtu sikurse poi a del edhe ai. (D.D/Shuplaka)
