Gerta Meta, në një intervistë për Fax News, ka folur mbi procesin e regjistrimit të diasporës për votim, duke theksuar se pavarësisht kërkesave të ndryshme politike për përmirësimin e këtij procesi, çdo ndryshim duhet të ndodhë në kohën e duhur dhe jo në minutat e fundit.
“Theksoi se institucioni përgjegjës për administrimin e votës së diasporës dhe të gjithë procesit zgjedhor në Shqipëri ka ndjekur një procedurë të rregullt dhe transparente. Numri i kërkesave të shqyrtuara deri më tani ka arritur në rreth 338.000 – 339.000, një shifër shumë më e lartë sesa pritej fillimisht.
Megjithëse një pjesë e tyre janë refuzuar, prapë se prapë ky numër tregon një interes të madh të qytetarëve për të marrë pjesë në votim. Meta theksoi gjithashtu se fillimisht ishte parashikuar që rreth 100.000 zgjedhës të regjistroheshin, por me hapjen e procesit më 1 janar u vu re një fluks i lartë aplikimesh, me mbi 5.000 – 7.000 kërkesa në ditë. Ajo nënvizoi se administrata zgjedhore ka ndjekur me kujdes këtë proces, por edhe se çdo shtyrje e mëtejshme e afateve do të sillte rreziqe për prodhimin dhe shpërndarjen e fletëve të votimit, veçanërisht për votuesit e diasporës”, u shpreh Meta.
Discussion about this post