Këngëtarja e mirënjohur italiane, Giusy Ferreri ka mbledhur mijëra fansa në sheshin “Shën Tereza”, ku këndoi live mbrëmjen e djeshme.
Ardhja e saj kulmon me festimin e Natës së Bardhë në kryeqytet, ku këngëtarja Ferreri ka elektrizuar të gjithë shqiptarët që ndodheshin mbrëmë në shesh.
E veshur në kuq e zi, siç duket duke marrë shkak nga festat çlirimtare të vendit, Fererri ka mbledhur mijëra adhurues të saj, të cilët kanë qëndruar për ta dëgjuar atë deri në orët e vona të natës.
Këngëtarja ka mbërritur në skenë në orën 21:00 të mbrëmjes ashtu siç ishte paralajmëruar më herët dhe ndezi turmën me këngët hit të saj, edhe pse temperaturat ishin shumë të ulëta.
“Flakë në akull” e kanë quajtur fansat e saj koncertin e këngëtares italiane. Të gjithë qytetarët ishin shumë të entuzuiazmuar ndaj ardhjes së Ferrerit dhe për minuta me radhë kanë kënduar në kor këngët e saj.
Nuk ka munguar as reagimi i Veliajt në Facebook për ardhjen e këngëtares në këtë ditë feste.
“Guisy Ferrery, live Nata e Bardhë “, shkruan kryebashkiaku.
https://www.youtube.com/watch?v=ADkK_G977Qw
Discussion about this post