Menjëherë sapo këngëtarja italiane Giusy Ferreri ka mbërritur në Tiranë, gazetarët kanë nxituar të bëjnë foto dhe intervista. Midis tyre përmendim Isli Islamin, Eno Popin, Aida Tuci etj, të cilët ia mbushën plot axhendën Ferrerit.
I habitshëm është fakti që për të realizuar intervistat është përdorur zyra e kryebashkiakut të Tiranës, Erion Veliaj.
Ky i fundit duket shumë i entuziazmuar për mbërritjen e këngëtares italiane, saqë një ditë më parë i ka dorëzuar asaj “Çelësin e qytetit”. Këtë lajm e bëri të ditur vetë këngëtarja italiane në “Facebook” ku falenderoi Veliajn duke e quajtur atë “Super Kryebashkiak”.
Këngëtarja italiane do të performojë sonte live në orën 18:00, në koncertin e organizuar nga bashkia, në “Sheshin Shën Tereza”.
Discussion about this post