Aleati i PD-së, Kreshnik Spahiu ka thënë ditën e sotme i ftuar në “5 Pyetje nga Babaramo” se në rast se përshkallëzohet dhuna ndaj protestuesve të opozitës do të ketë gjakderdhje.
Spahiu, i cili u sulmua të dielën nga një person, tha se mund të ketë edhe vrasje nëse situata degjeneron.
“Nëse përshkallëzohet do ketë gjakderdhje, vrasje dhe plagosje”, ka thënë Spahiu në A1 Report.
Kreu i Aleancës Kuqezi u sulmua nga një person para disa ditësh në cdrën e protestës së opozitës. AK i është bashkuar protestës dhe aksionit opozitar duke u bërë pjesë e opozitës së bashkuar bashkë me disa parti të tjera.
Deri në këtë moment protesta e të djathtëve ka qenë e qetë dhe nuk ka agravuar në akte dhune.
(M.D/ Shuplaka)
