Kreu i administratës së Krimesë, i mbështetur nga Rusia, tha të enjten se mbrojtja ajrore kishte rrëzuar gjashtë dronë gjatë natës në zona të ndryshme të rajonit.
Nuk pati viktima, tha Sergei Aksyonov në Telegram. Krimeja është gadishull ukrainas, që është aneksuar nga Rusia më 2014.
Sipas tij, Ukraina i ka nisur më shumë se 10 dronë në qytet, duke shtuar se dy janë rrëzuar mbi det, dhe të tjerë e kanë humbur kontrollin.
“Nuk është dëmtuar infrastruktura e qytetit”, ka thënë ai. Raportimet për këto sulme vijnë teksa lufta e Rusisë në Ukrainë hyn në muajin e 15-të.
Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.
Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.
Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.
Discussion about this post