Gjashtë ekipe shqiptare në Turqi, zgjedhin Antalian për fazën përgatitore (FOTO)

Gjashtë ekipe shqiptare të Superligës kanë zgjedhur Antalian e Turqisë për të zhvilluar fazën përgatitore. Pas tre ekipeve që plotësojnë treshen e kreut të renditjes, Kukësi, Partizani, Skënderbeu, edhe tre klube të tjera kanë preferuar që të kryejnë këtë fazë përgatitore në Antalia të Turqisë. Bëhet fjalë për Tiranën, Flamurtarin dhe Luftëtarin.

Gjirokastritët janë prej grumbulluar prej dy ditësh në Antalia ku kanë zhvilluar dy seancat e para të stërvitjes për këtë vit. Skuadra e drejtuar nga Milinkoviç do të testohet në dy miqësore ndaj një skuadre të Superligës Rumune,të Kazakistanit dhe asaj Turke. Akoma nuk janë konfirmuar emrat e kundërshtarëve, ndërsa grupi i lojtarëve ka mbërritur i plotë, pas asnjë të dëmtuar.

Verilindorët do të akomodohen në resortin “Palace Kremlin” ndërkohë që 24-herë kampionët kanë rezervuar në resortin “Limak Arcadia”, për ti ofruar skuadres kushtet e nevojshme për këtë periudhe dimërore.

Kukësi dhe Skënderbeu do të zhvillojnë nga tre miqësore secila, ndërkohë që vlonjatët, bardheblutë dhe “demat e kuq” përkatësisht nga dy. 

Tirana, Flamurtari dhe Luftëtari nuk i kanë konfirmuar akoma emrat e kundërshtarëve që do të zhvillojnë miqësore në Turqi. (M.E.Shuplaka)

 Miqësoret e Partizanit

11 janar
Fenerbahçe – Partizani

13 janar
Qabala – Partizani

Miqësoret e Skënderbeut 

8 janar

Bursaspor-KF Skënderbeu

13 janar

Fk Sumqayit-KF Skënderbeu

15 janar

KF Skënderbeu-Qarabag FK (Ora, 17:00)

Miqësoret e Kukësit 

8  janar

Istambul Bashakshehir – Kukësi

13 janar 

Neftçi Baku -Kukësi

(E treta nuk është përcaktuar ende)