Kryetari i Bashkisë Erion Veliaj deklaroi sot se vetëm në dy shkolla të kryeqytetit nuk ka ngrohje në vend. Por sipas “Nismës Thurje”, kjo jo vetëm që nuk është e vërtetë, por akuzoi edhe mediat se nuk kanë shkuar ta vërtetojnë këtë nëpër shkolla, por për transmetimin e lajmit kanë përdorur videot me kasetat e dërguara nga grupi i PR-it të bashkisë.
Një nxënës ka dërguar një foto në inbox të kësaj faqeje, ku tregohet një nga klasat e shkollës Ismail Qemali në Tiranë.
“Nisma pershendetje. Keto jane klasat e shkolles Ismail Qemali ne Tirane. Sot kemi pasur shume ftohte dhe nuk i kemi hequr xhupat ne asnje moment.
Klasat tona nuk kane asnje sistem ngrohjeje dhe te mendosh qe jemi nje nga gjimnazet me te mira ne Tirane.
Kishim per te bere fiskulture dhe nuk u nderruam pasi ambjentet e palestres dhe kati i pare jane shume te ftohta.”, shkruan nxënësi.
Sakaq, nisma ka publikuar edhe një video ku fillimisht paraqitet kryetari Erion Veliaj, ndërsa më pas jepen fragmente të klasave pa ngrohje në shkolla të tjera të Tiranës. (D.D/Shuplaka)
[ngg_images source=”galleries” container_ids=”791″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post