I shpalluri në kërkim ndërkombëtar Karafil Beqiri ekstradohet nga Athina drejt Shqipërisë. Beqiri ishte dënuar nga Gjykata e Lartë me 20 vjet burg për vrasje.
55 vjeçari nga Tepelena, akuzohet për “Vjedhje me armë me pasojë vdekjen, e kryer në bashkëpunim“ dhe “Mbajtje pa leje e armëve luftarake”.
Gjatë një tentative për vjedhje në 1997-ën, si pasojë e shkëmbimit të zjarrit kanë mbetur të vdekur V. Xhavara dhe F. Piperi.
“Gjykata e Rrethit Gjyqësor Gjirokastër, me Vendimin Penal nr. 39, datë 05.05.2005, lënë në fuqi me Vendimin Penal nr. 151, datë 19.05.2008 të Gjykatës së Apelit Gjirokastër dhe vendimit penal nr. 00-2010-1391(1016), datë 08.11.2010 të Gjykatës së Lartë, e ka dënuar këtë shtetas me 20 vjet burgim për veprat penale “Vjedhje me armë me pasojë vdekjen, e kryer në bashkëpunim“ dhe “Mbajtje pa leje e armëve luftarake”, parashikuar nga nenet 141-25 dhe 278/2, të Kodit Penal.”, thuhet në njoftimin e policisë. (D.D/Shuplaka)
Discussion about this post