Largimi i deputetes Jozefina Topalli dhe Astrit Patozit, nga lista e kandidatë vetë PD-së për zgjedhjet e 25 qershorit, ka shkaktuar mjaft debate në mjedisin politik dhe mediatik gjatë këtyre ditëve.
I ftuar në emisionin “Top Story” të gazetarit Sokol Balla, analisti Agron Gjekmarkaj është shprehur se lista e PD-së është basti i kryedemorkatit Lulzim Basha.
“Këto lista janë basti i Lulzim Bashës. Nëse Basha e humbet këtë bast, Basha duhet të mbajë përgjegjësinë. Koha është e shkurtër dhe janë shqiptarët që do të gjykojnë këtë listë”, tha gjekmarkaj.
Sipas analistit, kryetari i PD-së Lulzim Basha nuk e kishte luksin ta largonte Topallin.
“Aty ka disa risi, disa prurje interesante nga bota akademike. Ka shumë emra të panjohur për ne, por të njohur për komunitetin nga vijnë. Basha e ka tërhequr shumë litarin sa i takon Topallit dhe Patozit, dy figura që është i palegjitimuar largimi i tyre. Basha nuk kishte luksin të largonte Topallin. Basha e ka të vështirë të shpjegojë elektoratit largimin e Topallit dhe Patozit”, deklaroi Gjekmarkaj. (D.D/Shuplaka)
