Në qytetin e Fierit është gjendur e vdekur një 17-vjeçare në banjën e shkollës profesonale. Viktima A.Rina është nga fshati Shqishtë.
Sipas policisë dyshohet për ndonjë helmim ose problem shëndetësor të vajzës që mund të ketë shkaktuar vdekjen. Ka qenë pikërisht një shoqe e saj ajo që e ka gjetur përtokë vajzën, ndërsa më pas ka vënë alarmin në shkollë.
Detaje:
Më datë 06.03.2017, ora 14:40, njoftohemi se në Spitalin Rajonal Fier ka shkuar e vdekur nxënësja A.R, 17 vjeç, nxënëse e shkollës profesionale “Murialdo”.
Nga hetimi paraprak i ngjarjes rezulton se nxënësja A.R ka shkuar në tualetin e shkollës dhe nuk ka dalë prej andej për një kohë të gjatë. Më pas kanë shkuar për kontroll personeli i shkollës dhe disa nga shokët e klasës dhe rreth orës 14:25 e kanë gjetur nxënësen të shtrirë në dyshemenë e tualetit, kanë lajmëruar ambulancën dhe e kanë nisur për në spital. Nga kqyrja nuk janë konstatuar shenja dhune në trup.
Paraprakisht dyshohet për helmim ose problem shëndetësor. Po bëhet kqyrja nga mjeku ligjor për të dalë në konkluzionin e shkakut të vdekjes. Hetimet vazhdojnë për sqarimin e rethanave të kësaj ngjarje
(J.V/Shuplaka)
