Një ngjarje tragjike është regjistruar pasditen e së premtes 31 janar 2020 në Xhenova të Italisë.
Një emigrante shqiptare e identifikuar si Laureta Zyberi, 42 vjeç, është gjetur e vdekur në apartamentin ku punonte si pastruese shtëpie në lagjen Marassi të Xhenovës.
Pranë trupit të saj pa jetë, është gjetur i plagosur dhe bashkëshorti i saj po shqiptar, Eduart Zyberi, rreth dhjetë vite më i madh. Ka qenë pronari i apartamenti ku punonte shqiptarja, i cili ka gjetur të dy trupat e mbuluar me gjak mbi dysheme.
Më pas ka lajmëruar ndihmën e shpejtë mjekësore dhe autoritetet policorë. Lajmin e bëjnë të ditur mediat lokale italiane.
Shqiptarja humbi jetën në vendngjarje, ndërsa bashkëshorti i saj është në gjëndje të rëndë në spitalin San Martino me një plagë të rëndë në stomak.
Dyshimet janë se Eduarti ka qëlluar fillimisht mbi Lauretën dhe më pas ka vrarë edhe veten.
(E.K/Faxweb.al)
