Një trup i pajetë është gjetur orët e para të mëngjesit të sotëm, reth orës 06:15, në lagjen nr. 5 të qytetit të Pogradecit. Ai është identifikuar si Kreshnik Çela 37 vjeç, është gjetur me dëmtime në kokë edhe trup.
Nga të dhënat e para dyshohej se bëhej fjalë për vrasje. Mësohet se viktima ishte banues në fshatin Buzaisht, resident në shtetin grek.
Grupi hetimor ka shkuar në vendngjarje dhe ka nisur hetimin për zbardhjen e plotë të saj. referuar hetimit të deritanishëm, policia ka përjashtuar pistën e vrasjes.
Burime të Policisë së Pogradecit shprehen se viktima mund të jetë aksidentuar. “Dyshohet se personi mund të jetë rrëzuar apo hedhur nga ndonjë lartësi.”, citohet në njoftimin e policisë.
Detaje të Policisë së Pogradecit:
Më datë 15.02.2017, rreth orës 06:10, jemi njoftuar se në lagjen nr 5 në Pogradec, në rrugë është gjetur i pajetë trupi i shtetasit K.Ç, rreth 37 vjeç, banues në fshatin Buzaisht, (rezident në Greqi).
Nga hetimet e para si edhe kqyrja e trupit të tij, rezulton se viktima ka dëmtime në kokë dhe trup. U ngrit grupi hetimor dhe po punohet për zbardhjen e plotë të rrethanave të ngjarjes.
(XH.A/SHUPLAKA)
Discussion about this post