Mediat ruse bëjnë të ditur se gazetari dhe analisti politik, Igor Malashenko, është gjetur i vdekur në Spanjë më 25 Shkurt. Malashenko ka qenë bashkëpronar i kompanisë televizive NTV në vitet 1990. Ai ka qenë edhe ish shef i Radio Televizionit shtetëror rus Ostankino. Nuk dihen ende shkaqet e vdekjes së tij./
Më 1996, Malashenko ka qenë këshilltar kryesor i fushatës presidenciale për rizgjedhje të presidentit Boris Yeltsin. Gazetari Malashenko ka themeluar edhe rrjetin Media-Most më 1997.
Ai gjithashtu ka udhëhequr televizionin RTVI si dhe ka kryesuar fushatën zgjedhore të gazetares dhe prezentueses televizive, Ksenia Sobchak për zgjedhjet e presidenciale ruse në mars të vitit 2018. Ajo kishte fituar rreth 1.7 përqind të votave krahas presidentit Vladimir Putin, i cili kishte fituar shumicën.
