Një 20-vjeçar shqiptar është gjetur i vdekur pasditen e djeshme në Xhenova në rrethana të mistershme. Mësohet se i riu, emri i të cilit nuk bëhet ende i ditur, është gjetur i mbuluar nga gjaku në një parking në Via Piazzetta.
Pavarësisht ndërhyrjes së policisë dhe të ambulancës, mjekët nuk kanë bërë dot asgjë për të sjellë në jetë të riun.
Hipoteza e parë është se i riu kreu vetëvrasje duke u hedhur nga një lartësi prej 4 ose 5 metrash, një portë me kangjella.
Mundësia tjetër mund të jetë një përpjekje për t’u ngjitur në kangjella duke u kapur dhe duke rënë në tokë, por në proceverbal kjo hipotezë pothuajse është përjashtuar.
Ishte një grua që po shkonte në parkingun nëntokësor për të marrë makinën e saj, e cila dha alarmin pasi pa trupin e të riut të vdekur. Ajo që ka rezultuar vdekjeprurëse ka qenë një plagë e madhe në kokë që student shqiptar ka pasut.
Më vonë u mësua se i riu jetonte në zonën e Teglias, në Valpolcevera, dhe kishte me vete një çantë shpine me libra dhe shënime mbi matematikën dhe fizikën. Policia ka marrë në pyetje miqtë dhe të afërmit e shqiptarit, ndërsa është sekuestruar dhe celulari i tij në mënyrë që të hidhet më shumë dritë rreth ngjarjes.
(E.K/Faxweb.al)
