Një 30 vjeçar është gjetur nga familjarët i vdekur në shtratin e tij. Ngjarja ka ndodhur në Ksamil, dhe Faxweb.al mëson se quhet Ervis Oruçi i cili është gjetur pa jetë në shtratin e tij nga familjarët, që kanë njoftuar policinë.
Mësohet se i riu kohët e fundit vuante nga depresioni, sëmundje për të cilën ishte kuruar edhe në spital. Ndërsa nga burimet bëhet e ditur se 30-vjeçari është person me precedent penal në vjedhje dhe prodhim e shitje narkotikësh.
Ai ishte divorcuar nga ish-bashkëshortja e tij si dhe njihej si përdorues narkotikësh. Dyshohet se shkak i vdekjes së tij është bërë mbidoza e ilaçeve ndërsa Oruci para një muaj kishte dalë nga spitali psikiatrik i Vlorës.
Policia ndodhet në vendin e ngjarjes dhe pritet që trupi të përcillet drejt morgut në Sarandë për të përcaktuar edhe shkakun e vdekjes.
Kjo ngjarje e rëndë ka shokuar familjarët, të cilët kanë hapur dyert e mortit.
(F.GJ/FAXWEB.AL)
Discussion about this post