Gjendet një makinë e djegur në rrugën e Rinasit, dyshohet të ketë lidhje me atentatin ndaj Nikulajt

Një makinë e djegur është gjetur pak momente më parë në rrugën  Rinasit, në vendin quajtur “Ura e Tubit’.

Dyshohet të ketë lidhje me atentatin e ndodhur mbrëmjen e sotme në Lezhë ndaj Eno Nikulajt.

Autorët e kësaj vrasjeje lëviznin me BMW me targa të vjedhura kur i bënë pritë Nikulajt, djalit të xhaxhait të Ardian Nikulajt të vrarë më prill të këtij viti.

Eno Nikulaj nuk mundi t’iu mbijetojë plagëve të marra nga breshëria e kallashnikovit dhe ndërroi jetë në spital. Autorët janë zhdukur pa lënë gjurmë.