Një trup i pajetë është gjetur së fundmi në zonën e “Malit të Robit” në Golem. Nga të dhënat e deritanishme, mësohet se kufoma i përket një të pajeti seksi mashkull, rreth 70-vjeç.
Burime të policisë shprehin dyshimet se i moshuari mund të jetë mbytur në det dhe dallgët kanë nxjerrë trupin e tij në breg. Nga informacionet e para, në trupin e të moshuarit nuk janë gjetur shenja dhune.
Grupi hetimor po punon për zbardhjen e plotë të ngjarjes.
Detaje të Policisë së Durrësit:
Më datë 27.01.2017, rreth orës 08:50, në Golem tek Mali i Robit, në bregun e detit, është gjetur i pajetë një shtetas i seksit mashkull, rreth 70 vjeç.
Nga hetimet paraprake, dyshohet se ky shtetas është mbytur dhe dallgët e detit kanë bërë të mundur nxjerrjen e trupit në breg. Nuk konstatohen shenja dhune.
Në vëndin e ngjarjes ndodhet grupi hetimor, i cili po punon për sqarimin e rrethanave të ngjarjes.
(XH.A/SHUPLAKA)
