Gjendet i pajetë në rrugë një 71-vjeçar në Vorë, dyshohet se është përplasur nga një mjet

Është gjetur një person i pajetë në orët e para të mëngjesit në aksin Vorë-Fushë Krujë. Sipas policisë bëhet fjalë për një person 71-vjeçar, i cili dyshohet se ka humbur jetën nga një aksident.Dyshohet se 71-vjeçari është aksidentuar nga një mjet, i cili është larguar nga vendi i ngjarjes.

DETAJE:
Më datë 11.11.2017, rreth orës 05.40, në Sallën Operative ka ardhur një telefonatë se në rrugën nacionale Vorë -Fushë Krujë, ndodhet një person i shtrirë në tokë.
Menjeherë në vendngjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në rrugën nacionale Vorë – Fushë Krujë është gjendur i shtrirë në tokë pa shenje jete shtetasi R.Z., 71 vjeç.
Paraprakisht dyshohet se shtetasi është aksidentuar nga një mjet, i cili është larguar nga vendi i ngjarjes.
Trupi i pa jetë është dërguar në Insitutin e Mjeksisë Ligjore, ku po kryhet eskpertiza mjeko-ligjore.
Grupi hetimor po kryen veprimet për zbardhjen e ngjarjes si dhe po punohet për identifikimin e kapjen e autorit. (J.V/Faxweb)