Gjendet trupi i pajetë i policit të dytë në lumin Lepenc

Njësia e kërkimit në Policinë e Kosovës ka bërë të mundur gjetjen e trupit të pajetë të policit të dytë, Armend Trena. Makina me të cilin udhëtonte Trena ra në lumin e Lepencës  para dhjetë ditëve.

Lajmin për gjetjen e trupit të Armend Trenës e ka konfirmuar për Kallxo,  zëdhënësi i ministrisë së FSK-së, Ibrahim Shala.

“Njësitë e kërkim shpëtimit të FSK-së, Policisë së Kosovës dhe AME-së (Agjencisë së Kosovës për Emergjenca) sot në orën 15 e 40,  në kilometrin e 6-të (në hyrje të Hanit të Elezit)  nga vend i aksidentit në lumin Lepenc,  kanë gjetur  trupin e pa jetë  të policit Armend Trena”, tha MFSK.

Të enjten e kaluar, ekipet e shpëtimit kanë gjetur në lumin Lepenc trupin e pajetë të policit Malësor Dashi.

(M.Q/Faxweb)