Ish-lideri i serbëve në Bosnjë, Radovan Karadžić, ka apeluar masën e dënimit prej 40 vite burg të vendosur nga Gjykata e Hagës, e cila e dënoi për gjenocid dhe krime kundër njerëzimit. Ai bëri me dije se ka apeluar vendimin e gjykatës në Mekanizmin e OKB-së për Gjykatat Ndërkombëtare.
Avokati i tij, Peter Robinson, u shpreh se apeli prej 238 faqesh “detajon 48 gabimet e pavarura dhe procedurale” që çuan në vendimin e gabuar.
“Nëse nuk korrigjohen, gjykimet e pasakta dhe të padrejta si të miat thjesht do të përshpejtojnë largimin e vendeve si Afrika e Jugut dhe Rusia nga një sistem ligjor ndërkombëtar që është i politizuar dhe me standarde të dyfishta.”, u shpreh ndër të tjera Karadžić, çka sipas tij do të shkatërrojë mundësinë që drejtësia ndërkombëtare të arrijë suksese afatgjata.
Radovan Karadžić u shpall fajtor për persekutim dhe gjenocid të boshnjakëve nga Srebrenica, të kroatëve në të gjithë Bosnjën dhe Hercegovinën, për pengmarrje të paqeuarjtësve të Organizatës së Kombeve të Bashkuara dhe terrorizim të popullsisë së Sarajevës.
Discussion about this post