Elona Duro, moderatorja simpatike e “Top Channel” dhe “Top Albania Radio”, është në pritje të ëmbël të fëmijës së saj të parë.
Për shumë lajmi mbi shtatzëninë e saj ishte vërtet surprizë po sipas vetë moderators gjërat e mira duket se ndonjëherë bëhen edhe shpejt e shpejt.
“Unë dhe Lorenci kemi një vit e gjysmë së bashku kështu që gjithçka ka ndodhur shumë shpejt: lidhja, bashkëjetesa, bebi dhe tani martesa.” –shprehet Elona Duro e kontaktuar nga “Xing.al”.
Ashtu siç rrëfen moderatorja, ajo dhe partneri i saj Lorenc Goga, i cili drejton një kompani call center në Tiranë, do të lidhin kurorë më 4 gusht, në tarracën e Bashkisë së Tiranës ku kryebashkiaku Erion Veliaj do t’i kurorëzojë në martesë.
“Kjo do të jetë vetëm ceremonia e celebrimit që do të shoqërohet me një koktej, pasi kemi menduar që dasmën e madhe ta bëjmë ndoshta pas një viti e gjysmë.”-shprehet moderatorja e njohur.
Po ashtu ajo thotë e e pret me mjaft qetësi martesën madje ka zgjedhur të veshë në ditën e saj speciale fustanin e parë që ka provuar.
“Fustani nuk është një fustan tipik nusërie, por është shumë i bukur. Madje është fustani i vetëm që provova pasi më tha Ami se atë e kishte hequr veç enkas për mua.”- tregon Elona.
Në ceremoninë që do të përfshijë muzikë harqesh dhe një spektakël fishakzjarresh, do të jenë të ftuar të afërm por edhe miq të çiftit, ku sigurisht do të jenë edhe personazhe VIP.
Sakaq përsa i përket pritjes së ëmbël, Elona rrëfen se është në muajin e katërt të shtatzënisë. “Deri më tani çdo gjë ka shkuar mirë por për emrin nuk kemi menduar akoma. Lorenci ka jetuar pjesën më të madhe të jetës së tij në Itali kështu që shpresojmë të gjejmë një emër që lidhet me të dy vendet, si Shqipërinë ashtu edhe Italinë.”, thotë Elona.
(E.K/SHUPLAKA)
Discussion about this post