Gjermania është e qartë, Kirchbaum: Ndryshimi i kufijve është kërcënim për Europën

“Gjermania është shumë e qartë për rikorigjimin e kufijve.” Këtë e ka shprehur drejtues i partisë Kristian Demokrate në Gjermani, Gunther Kirchbaum.

Kjo parti  është shumë e afërt me kancelaren Merkel ç’ka konfirmon kështu dhe zërin e saj. Gjermania e sheh si të pamundur shkëmbimin e kufijve në Ballkan dhe si të rrezikshme për stabilitetin në rajon.

“Gjermania është shumë e qartë, ndryshimi i kufijve dhe shkëmbimi i territoreve në Ballkan nuk është i mundur. Tërheqja e linjave etnike për Berlinin është një kërcënim”, ka thënë Kirchbaum

Në cilësinë e Kryetarit të Komisionit për Çështje Evropiane, Kirchbaum  thotë  se shtetet e Ballkanit Perëndimor duhet të marrin parasysh pasojat, kur flasin për një çështje të tillë, pasi edhe gjatë Luftës së Dytë Botërore dhe përgjatë konflikteve të  viteve 90-ta është provuar që të vendoset kufij në baza entike por dihet se çfarë ka ndodhur.

“Sa herë që diskutojmë zgjidhjet e mundshme për çështje dypalëshe, duhet të marrim parasysh pasojat që mund të shkaktohen për vendet tjera. Prandaj është vendimtare që të veprohet me kujdes”

Gjatë fjalës së tij ai   është shprehur se Europa duhet të pyes veten para se të mendoj ndryshimin e kufijve apo shkëmbmimin e territoreve.

Ndërkohë që një ide e tillë   është hedhur para një viti në  Forumin e Alpbachut në Austri duket se nuk ka gjetur mbështetje në Europë. Një nga vendet që nuk e ka mbështetur  është dhe Kosova, presidentit i të cilës mendon se diçka e tillë do të destabilizonte rajonin.

(s.a/faxweb.al)