Pas konflikteve të hapur midis Gjermanisë dhe Turqisë, ministrat gjermanë i Punëve të Jashtme dhe i Drejtësisë kërkuan sot një kontroll më të fortë për xhamitë që transmetonin “propagandën” e presidentit turk.
Ministri i Punëve të Jashtme, Sigmar Gabriel dhe i Drejtësisë Heiko Maas, në një artikull të “Spiegel”, janë shprehur do të kujdesen që komunitetet myslimane në Gjermani mos influencohen nga Turiqa.
“Ne duhet të kujdesemi që komunitetet myslimane të Gjermanisë të mos influencohen nga presidenti Erdogan”, thanë ata.
Po ashtu shtojnë se “Në asnjë rast nuk mund të tolerojmë shoqëritë paralele apo edhe kundërshoqëritë”.
, sipas dy zyrtarëve social-demokratë, të cilët kërkojnë që Gjermani të mbrojë njerëzit që ngrihen kundër luftës kulturore dhe propagandës së Erdogan.
“Ne nuk duhet të nënvlerësojmë rreziqet që shfaqin organizatat shtetërore të Erdogan në Gjermani”, theksuan ministrat.
Kjo thirrje erdhi pasi Erdogan u kishte kërkuar turqve gjermanë të mos votonin për tre partië e mëdha në zgjedhjet legjislative të 24 shtatorit, mes të cilave SPD dhe Unioni Kristian-Demokrat, që janë sipas tij armiq të Turqisë.
Ndërkohë Gjermania ka diasporën më të madhe turke me rreth tre milionë persona. Numri i xhamive të tyre apo komuniteteve fetare drejtohet nga Ministria turke për Çështjet Fetare nëpërmjet organizatës së saj Ditib, që dërgon imamë në Gjermani.
(S.SH/Shuplaka)
