Gjermania pranon për herë të parë martesat gay, kush ishte çifti i parë që përfitoi nga ligji i ri

Ditën e sotme në Gjermani ka hyrë për herë të parë në fuqi ligji për martesat mes personave të të njëjtit seks.

Pikërisht në ditën e parë të hyrjes në fuqi të këtij ligji, është kremtuar edhe martesa e parë mes dy personave homoseksualë.

Dy burrat gjermanë, të quajtur Mende dhe Kreile, kanë qenë së bashku që nga viti 1979 dhe sot më në fund fituan të drejtën për të qenë bashkëshortë edhe përpara ligjit.

Ata kishin bërë fushta të gjata për të drejta të plota për martesën e homoseksualëve. Madje në vitin 2002, ata ishin ndër çiftet e para që kishin hyrë në një partneritet civil, pasi Gjermania lejoi diçka të tillë, një vit më parë.

Pas martesës së tyre, shumë martesa të tjera pritet të realizohen gjatë ditës.  Madje zyrat e gjendjes civile u detyruan të hapeshin të djelën për të shënuar edhe ditën e parë të martesës së ligjshme mes personave gay. (D.D/Shuplaka)