Qeveria gjermane ka marrë vendimin për të mundësuar zhvillimin e referendumit të shtetasve turq, parashikuar më 16 prill. Lajmi u bë më dije për agjencinë turke të lajmeve “Anadolu” nga zëdhënësi i Ministrisë, Martin Schaefer.
Bëhet fjalë për hapjen e 13 qendrave të votimit në të gjithë territorin gjerman, nga data 27 mars deri më 9 prill. Por theksohet se “shtetasit turq janë të detyruar të respektojnë ligjet dhe rregullat gjermane.” Qeveria gjermane ka rezervuar të drejtën për të rishikuar autorizimin e saj në rast të shkeljes së ligjeve gjermane.
Sipas ligjit penal, raportohet se çdo fyerje ndaj shtetit gjerman dhe simbolet e saj gjatë tubimeve të fushatës, do të dënohet gjithashtu.
Ky vendim pason tensionet e shënuara mes Turqisë dhe Gjermanisë, të rritura së fundmi për shkak të vendimit të autoriteteve lokale për të anuluar tubimet e planifikuara të fushatës nga ministrat turq, të cilët favorizojnë ndryshime kushtetuese për një tranzicion në një sistem ekzekutiv presidencial.
(XH.A/SHUPLAKA)
Discussion about this post