Menjëherë pas ndeshjes në finale e Champions League mer Realit të Madridit dhe Liverpool që përfundoi me fitoren e spanjollëve 3-1, ajo çfarë bëri bujë ishte deklarata Cristiano Ronaldos i cili la të nënkuptohej se do të largohej nga Reali.
“Ishte shumë mirë të jem në Madrid, pas pak ditësh do të flas…”, deklaroi Cristiano Ronaldo. Menjëherë pas fitores Reali ka organizuar dhe një festë por aty ty ka dalë në pah dhe marrëdhënia e krisur mes tij dhe presidentit Perez.
CR7 në një moment nuk ia zgjati dorën Perezit.
Përveç kësaj, kamerat e “El Chiringuito de Jugones” e kanë kapur portugezin në një moment duke bërë një gjest aspak të hijshëm dhe duke e shikuar Perezin në një mënyrë të çuditshme.
Në lidhje me gjestet e CR7 ku dukej fare hapur pakënaqësia, ka folur dhe eksperti i komunikimit jo verbal, Martin Ovejero, në “El Chiringuito de Jugones” ku ka shpejeguar se gjestet e Ronaldos ndaj Perezit, tregojnë pakënaqësi dhe turpërim.
Duket se pas 9 viteve, Ronaldo e Reali po shkojnë drejt ndarjes. Kujtojmë që kapiteni i Realit të Madridit Sergio Ramos kishte kritikuar Ronaldon për deklaratën e tij pas ndeshjes, duke thënë se nuk kishte bërë mirë dhe se duhet të tërhiqte fjalët.
Megjithatë ende mbetet e paqartë arsyeja e vërtetë e ftohjes së raporteve mes Perez dhe Ronaldos. Presidenti i realit kishte deklaruar pas finales se klubi vjen mbi gjithçka.
(B.H/Faxweb)
Discussion about this post